繼《麻雀格鬥俱樂部》喺PSP上賣個滿堂紅後，輪到呢款《麻雀王Portable》力挑一哥地位。珠玉在前，要贏梗要花啲心思；《麻雀王Portable》搵嚟日本4大麻雀王團體，選出14名雀王出嚟俾玩家挑戰！最搞鬼係位位雀王都以真面目示人，每當叫糊、碰牌時，就會出現Cutin大特寫，懶有氣勢咁拍隻牌！真係心血少啲都俾佢嚇親。
上網打唔怕三缺一
遊戲以最真實嘅四人麻雀玩法為主，更優勝係唔單止玩WLAN通訊對戰，仲可以透過PSP嘅ADHOC上網搵腳打番四圈！以後打電腦AI打到悶，想同真人對戰嘅話，毋須再慢慢「湊腳」、經常三缺一咁煩惱啦。
連場激戰後想放鬆吓心情，亦可進入「Pro應接室」，入面收錄各大高手嘅簡介同履歷，幾位「女雀士」更包含好多靚靚玉照，話唔定了解其個人特色後，搵到擊敗佢哋嘅關鍵都唔定。
記者：徐影龍
網址：www.taito.co.jp/d3/cp/mahjongou/
