吳浩康同胡定欣早前俾傳媒踢爆拍拖，後來兩個都大方承認戀情。不過噚日凌晨一點半左右，胡定欣冇陪男友，反而同兩男一女喺尖沙嘴柯士甸道嘅小路吧消遣，佢哋幾個除咗飲酒之外，重玩掟飛鏢。
眼界唔算差
當晚一身便服嘅胡定欣，同班朋友走咗去酒吧嘅角落位置掟飛鏢，胡定欣嘅眼界都唔差，雖然唔係次次掟中紅心，但成績都唔錯，同幾個朋友比，算係中上，佢哋一邊玩一邊傾偈，睇嚟玩得幾開心。
胡定欣又好似同酒吧啲人幾熟咁，唔知係咪因為男友吳浩康鍾意去夜店，所以有時佢哋嘅拍拖節目都會流連呢啲場所呢？如果係真嘅，就唔怪得胡定欣嘅掟飛鏢技術有番咁上下啦！
