【本報訊】對於李安憑《斷背山》贏得奧斯卡榮譽，香港導演和演員都讚揚他是華人之光。周潤發曾與李安在《臥虎藏龍》合作，身在北京拍片的他聽到好友揚威奧斯卡時開心表示：「之前我已經同佢講，話佢一定會喺奧斯卡得大獎，𠵱家終於冇錯，雖然輸咗最佳電影，但佢係一位咁有才華導演，下次總有機會得呢個獎。」
難忘NG數十次
周潤發說：「同李安合作過後，你自然會發現佢係一個要求好嚴好嚴嘅導演，我一生難忘係拍緊《臥虎藏龍》時，導演因為我一句普通話對白咬字唔正，要我NG咗幾十次都唔肯收貨，我自己都講到攰，但佢真係好有耐性慢慢教我講，喺現場佢好少會大聲鬧，佢講嘢永遠都係好斯文，但佢係一個好有主見同富想像力嘅導演，當大家認為冇可能拍到嘅場面，佢都要堅持去拍，結果佢成功咗。」
李安導戲以德服人，奧斯卡最佳女配角得主珍妮花康納莉（JenniferConnelly）三年前與他合作《變形俠醫》（TheHulk），她說：「他從不會嚴厲地要求，總是慢慢對我描述情境。」
趙文瑄、高金素梅和李安合作《喜宴》，趙文瑄為他不怒而威的文人風範折服。高金素梅則說，李安總是要他們不斷排練，所以正式拍攝時很少NG。
對於《斷》片未能取得最佳電影，導演陳可辛感到莫名其妙，「《Crash》上半部都OK，下半部就唔係咁得，所以我一直以為李安可以贏晒兩個大獎。」他讚揚李安無論導演華語片或西片，一樣能打動觀眾心弦。
劉偉強導演對李安輸電影獎贏導演獎不感奇怪，「冇乜可能一面倒畀晒啲獎一個華人導演嘅。」
李安的作品，杜琪峰導演大部份都看過，「李安拍同性戀題材好有信心，雖然我未睇《斷背山》，但之前佢導演嘅另一部同性戀材電影《喜宴》我就好鍾意，佢的確係一位好有才華嘅導演。」
劉德華得悉李安奪獎即開心說：「恭喜李安，同時都恭喜佢太太，因為經常聽到佢提及太太為圓佢嘅電影夢想，一直義無反顧默默支持。」