張燊悅前晚以「防止虐待兒童大使」身份，於城市大學惠卿劇院擔任表演嘉賓。在電影發行公司當行政總監的她，揚言這是最後一次以藝人身份表演，因為之後便會退出娛樂圈，張燊悅說：「今晚係我嘅lastshow，所以屋企人都有嚟支持我。之後除咗慈善活動外，我唔會再用藝人身份演出。」
必定會嫁人
當晚張燊悅在十四人的樂隊伴奏下，分別演唱了《童話》及《上帝愛我》兩首歌曲，在場有十多名歌迷不時拍手支持。張燊悅指於娛樂圈工作了十年，現希望過穩定的生活，她說：「靚衫靚鞋我着過好多，𠵱家我坐地鐵、電車都冇問題，總之我希望畀人知道我係一個識做嘢嘅人。」最後問她何時計劃結婚，張燊悅說：「結婚呢個問題日日都有人問，總之呢件事喺我身上必然會發生，不過唔會set定幾時。」
採訪：馬建華
攝影：陳俊強