任賢齊和容祖兒昨日出席港台活動，提到李安勇奪奧斯卡最佳導演獎，為華人爭光，二人均表示替李安高興。原來小齊在小時候已認識李安。被問到會否拍李安的電影時，小齊坦言不會靠關係而拍戲，但若獲李安邀請，一定會以實力證明自己，更提議可開拍「斷腳山」。
任賢齊和容祖兒昨天出席港台的「大韓風2」記者會，其間二人拿着貓紙，分別唱出《對面的女孩看過來》和《我的驕傲》韓文版，小齊還換上跆拳道服表演踢板和劈板技術。對於《斷背山》導演李安榮獲今屆奧斯卡最佳導演獎，小齊和祖兒都表示高興。
祖兒睇到眼紅紅
小齊稱他和李安有淵源，他說：「戥佢開心呀！其實同佢都幾親，我爸爸係李安爸爸嘅學生，細個時候佢哋兩個一齊讀書，佢（李安）喺自傳提起我同爸爸，講大家細個嘅事，不過好耐冇見，我知佢好忙。」那麼小齊可會希望拍到李安執導的電影，他說：「唔知呀！我唔會用私人關係而拍，如果佢真係畀機會我，我會用努力證明，我係ＯＫ嘅。」被問到可會接拍如《斷》片之題材的電影時，小齊笑說：「咁惟有拍斷腳山。」
而祖兒亦表示趕在奧斯卡頒獎禮前已欣賞《斷》片，她說：「我趕住去睇，想支持李安。好好睇，其中一幕我真係睇到想喊，佢攞到呢個殊榮好戥佢高興，而且呢個題材喺美國幾冷門。」
表演劈板顯身手
此外，在活動上，小齊要穿上跆拳道服裝表演劈板，初次劈板的他成功把木板劈開兩截，但是卻即時表現得痛苦，事後小齊說：「我第一次劈板，冇綵排過呀！男人有時會為咗面子時，會搏命做啲好儍嘅嘢，之後隻手咪好痛囉！最初睇仲覺得人哋踢得好鬼簡單。」
採訪：王連連
攝影：仇志德
