「嗰個死女包，梗係懶唔做嘢，冇幫我將啲凍肉放入雪櫃，𠵱家變壞晒喇，一心由澳洲買返嚟慢慢歎嘅袋鼠肉，乜到冇剩啦！」其實，阿Jane真的有替那位光頭阿伯把凍肉放好，只是飛機上的冷藏櫃不是冰箱，一般只有4℃-5℃左右，放生果還可以，坐成九個小時，乜都溶啦！你唔好叫我放雪糕！阿Jane被罵一場，哭了一個早上，下次就學精了。
「小姐，可唔可以幫我將啲長腳蟹放入雪櫃呀？」每次飛北海道，最多乘客買海鮮回港，尤其旅行團，一個買個個買；一個話要雪，個個都要雪，「唔好意思，雪櫃冇位喇！」「剛才你都幫我團友雪㗎，點解我又唔得，恰女人呀？我叫我老公嚟㗎！」「太太，因為我哋已幫你其他團友雪咗幾箱蟹，滿晒喇！」幸好這位師奶沒有撒野，只是兩個小時後，她放在行李架上的長腳蟹「瀨尿」呀！
「小姐，飛機漏水呀！」為免製造恐慌，阿Jane一個箭步上前了解情況，「你啲蟹只用普通冰塊雪住，𠵱家溶咗，所以漏水啫，我幫你用個袋入住吖！」「咁麻煩！我𠵱家食晒佢算喇！衰公幫手拆蟹啦！」（五之二）
李菲
小貼士
不想遠地買回來的食物變壞，最好上機前，跟售貨員說清楚，用乾冰把須冷藏的食物包裹好，和留意所飛時間有多長。記住飛機不一定可替你儲存食物。