翻播《難兄難弟》，成功俘虜一班夜鬼，當真古老當時興？「1842」這間復刻版懷舊冰室以厚多士、菠蘿冰、雜扒餐等娘爆食物作招徠，陳山葱咁話：「有心幫襯唔該運用想像力，試吓代入你阿爸阿媽拍拖嗰個年代，男嘅蠟令個蛋撻頭……」沈穎婷又咁話：「……女嘅就着住套大紫大紅花花裙，拖住手仔蒲冰室，聽住周璇啲歌仔一齊吮紅豆冰，簡直潮到震啦。」
記者：盧家蕙
攝影：周旭文
髮型及化妝：George、LingChow、StephanieLau
服裝提供：MaryQuant
食物有昔日風味
1841年，半死不活的清政府在「中英鴉片戰爭」中敗陣給英國，英國要求清廷割讓香港，1842年簽訂《南京條約》，香港從此成為英國殖民地百多年。談沉重歷史好悶呵？不如看看那時飲食文化的轉變，經理Louis解釋：「英國人開始將通心粉、意大利粉、焗飯、牛脷、芝士、香腸同西多士等等引入香港，改變咗港人飲食模式，嗰個年代興露天大牌檔同冰室，不過環境比較簡陋，衞生情況都比較差。」談吃話當年，是否有趣得多？
開業個多月的「1842」主打懷舊冰室食物，半露天裝修整潔清新，全店以白色為主調，藤椅及玻璃桌子上的綠白格子圖案充滿英倫風味，最搶眼的是放在入口位置的手推木頭車，上面擺放了不銹鋼保溫瓶、茶壺、筷子、藤籃等舊時大牌檔娘味十足的用具，可惜只欠一個老粗夥計，只好靠食物重拾昔日風味。
A）美式雜扒餐$88（配鮮茄濃湯及咖啡或茶）
自小喜愛雜扒鐵板餐，單是澆汁這個動作已令我興奮莫名，蒜茸汁下落鐵板香噴噴，大包圍食齊煙肉、火腿、腸仔、雞扒和豬扒，滿足既多心又饞嘴的我。
B）一口咬混醬厚麥多士$12 士多啤梨Latte$25
Louis說：「舊冰室好興混醬。」第一層先塗牛油，之後是花生醬，最後是黑車厘子及草莓果占。蠻怪的吧？其實一浪接一浪的多種味道，入口很過癮，而且切成9小件，一啖一件，扮淑女最啱；三色咖啡好搞鬼，底層是士多啤梨糖漿，第二層是一小層鮮奶，最後當然是咖啡，甜絲絲的糖漿混和香濃幼滑的咖啡，惹人喜愛。
C）特級鮮茄濃湯$35
鮮番茄雞湯不加味精很鮮甜，喝一口便知真材實料，牛脷鬆軟帶濃郁肉味，配纖細意大利粉及炸雞翼吃，甚有大牌檔風味，只限午市供應。
D）鮮茄焗豬扒飯$48（配餐湯及咖啡或茶）
正宗焗飯要包括以下條件，即叫即焗，不要翻叮；炒飯要混入雞蛋，飯粒咬落要脆口；鋪面的芝士要香濃，豬扒要醃得入味，這個香氣四溢的焗飯做到了。
E）香煎豬扒包$18
豬扒用多種香料醃製，惹味又Juicy，麵包外層鬆脆內層充滿彈性，夾雜炒香的洋葱、鮮茄及生菜絲，份量十足，女仔當Lunch食一定夠飽肚。
點懷舊法？
木頭車
我最喜歡這架木頭車，上放不少大牌檔用具，包括用前先會浸茶沖沖水的七彩膠筷子。
播老歌
環境不算大，半露天環境格外光猛舒適，耳畔傳來歌神許冠傑或奚秀蘭的歌曲，做戲果然做全套，唔通播側田咩？
西洋畫
Louis說當年的冰室流行掛西洋畫作裝飾，因此搜羅了幾幅又鴨又鵝的畫像放在店中贈興。
可樂精品
經理Louis說：「有心人士特別送贈可口可樂玻璃畫，香港絕無僅有，放喺門口唔少人都會眼望望㗎。」
1842（28242036）
地址：灣仔灣景中心（三里屯）1樓11-12號
營業時間：8:00am-9:00pm
座位：60個