溫伯一家三口，家庭收入僅五千多元，生活迫人，溫太經工友介紹下，致電蘋果日報慈善基金申領食物福袋。溫伯接過記者送上的食物福袋後笑說：「可以暫時唔使用麵豉醬送飯啦！」
溫伯今年七十三歲，與妻女居於香港仔公屋華富邨。溫伯年多前開始失業，現每月領取七百元生果金，太太則當雜工，每月工資四千多元，一家三口便依靠這五千多元生活。溫伯表示，曾有朋友建議他往社會福利署申領綜援金。
「惟有喺食方面慳啲」
「後來知道如果申請批咗都係五千幾蚊，同𠵱家差唔多，咁樣梗係繼續做嘢，唔好依賴政府啦。」
但五千多元收入在扣除租金後，所餘無幾，一家三口如何溫飽？溫伯稱，太太間中會回鄉探親過節，鄉間外母多會送上自家炮製麵豉醬，太太又購買多箱米粉返家。他指，一箱米粉只二十多元，可當作早餐，慳回不少錢。「好多時我都係煮白飯，加啲麵豉醬撈飯，收入有限，惟有喺食方面慳啲。」
溫伯打開記者送上的食物福袋，見有白米、餅乾、生麵、食油、豉油、罐頭和生果等，即笑瞇瞇說：「有咗呢啲食物，我唔使用麵豉醬撈飯喇。」
生活雖然迫人，但談及女兒時，溫伯一臉安慰。「佢好有心機讀書，讀書唔使人操心。佢一手英文字都寫得好靚㗎。」說罷，溫伯即遞上女兒的筆記簿給記者看。
「蘋果愛心福袋專戶」捐款編號：C1345
暖流熱線
電話：29908688
傳真：23702192
電郵：[email protected]
網址： http://www.charity.atnext.com