謝寧噚日喺上水出席「活在山區裡」新書推介儀式記者會，本書係由住喺山區裏面嘅小朋友表達自己嘅生活感受。謝寧話會買本送畀朋友同自己嘅小朋友睇，等佢哋知道呢個世界有啲人好窮，而佢哋係幾咁幸福。謝寧仲話一直都有去泰北山區做義工，如果有機會都想繼續返內地做探訪，謝寧仲話：「囡囡得十二歲，等佢到十七、八歲，都想帶佢一齊去見識吓。」