黃淑儀噚日去到屯門大會堂出席「停一停…聽聽子女心聲」講座。黃淑儀話佢對仔女抱開放自由態度，好少打打鬧鬧，佢話：「大家相處似朋友，唔會話唔准做乜，個仔曾經唔想讀大學，話要做傳銷，我就提醒佢，仲幫佢搵生意，後尾佢自知做唔到喇。」黃淑儀又話五月會為無綫拍劇同準備喺七月再推出烹飪書。