近期陸續有中型股配股集資，復牌後表現各有不同，有啲好掂，但有啲就受壓，好似上周魏橋紡織（2698）配股集資，周五復牌即跌。
但經紀黃話魏橋雖然最終以下限定價配股，但就不宜對隻股睇得太淡。
魏橋上周以每股12.05元，配售6894萬股新H股，集資額8.29億元，主要用於擴大毛利率較高的牛仔布生產線，配售價上下限在12.05元至12.25元之間，最終以下限12.05元定價。
芬佬肯高位要貨
魏橋上周五復牌，股價最低跌至12元，收報12.10元，跌5％。
經紀黃又話，魏橋近兩三個月由11元樓下升上嚟，最高升上12.80元，而芬佬肯在12.05元接貨，其實算合理。據講今次魏橋配股反應唔錯，起碼都叫做超額認購，反映紡織股受歐美配額爭拗的困擾已一掃而空。芬佬肯高位要貨，相信隻股前景唔會差。
慕容小初