煲呔第一次列席人大會議，佢嘅內地人脈關係，一向都唔算好標青，所以今次北上，都不斷同各部委領導會面，至少可以同佢哋打聲招呼，噚日佢喺人大會議開幕前都滿場飛，入場時又同好多人握手，應該係想認識多啲新朋友啩，否則佢都唔會直認自己係新仔啦。
噚日有記者問到外交部部長李肇星，點睇煲呔首次列席人大嘅表現，李部長就話大家係識咗好耐嘅老朋友。
咁呢位老朋友，又有無留意煲呔嘅打煲呔習慣呢？點知李部長聽嚟聽去都聽唔明，原來內地一向叫煲呔做領結，最後糾正咗問題，李部長先至聽得明。
不過，李部長對煲呔呢個話題好似冇乜興趣，重同大家講：你們不應該留意這些，應該留意他做了甚麼，搞到記者都好無癮。如果真係留意煲呔做咗啲乜，咁咪要問李部長煲呔喺政改同西九連衰兩鑊點算？李部長睇怕都唔想答啩。
爆料熱線：29290000、27860099
報料傳真：26239278
報料電郵：[email protected]