做咗米業闊太嘅前亞姐樂蓓，結婚多年先有喜，可惜未能為傳統潮州夫家生個仔，兩個月前生咗個女。前晚佢產後首次復出ball場，着件大皮草包到實去保良局晚宴，因為未收身，所以叫極都唔肯除褸，佢話：「個女叫Natalie，我有請陪月照顧佢同我。」問樂蓓係咪餵人奶？佢即時好大反應咁話：「呢啲咁私隱點可以講？」餵人奶係偉大母愛表現，樂蓓咁諗真係諗歪咗喎！