躁狂影帝成日當正自己係影壇警察咁，平日經常鬧呢樣、鬧嗰樣，以為自己係正義超人，但實際就係一個媾女王，有老婆一樣滾到七彩，早排仲滾到個老婆嗌離婚。關仁知道呢排躁狂影帝同好有威嚴嘅大導演合作拍戲，連大導演都俾佢激親，因為喺拍攝現場，影帝又係死性不改，諸多聲氣，成組人都怕咗佢。大導演有次頂唔順即場鬧咗佢幾句，影帝先識收斂吓！