好多人為求方便喺馬路邊踩單車，其實相當危險，倒不如趁周六日搵條靚路線邊賞景邊踩單車；但有景嘅吐露港𠵱家填緊海，沿住地盤踩，真係咩心情都冇晒！橫豎踩單車都係想伸展吓筋骨，不如踩盡啲，殺入元朗區，闖入最深處嘅南生圍，唔使吸入汽車廢氣，仲有候鳥、河畔、樹林等優美景致任你睇，喜歡影相，更可以帶埋相機，喺裏面影番一輯靚相！
文︰關敏琪
攝影︰陳盛臣
Model︰Grace&Jun（TheGroup）
入到元朗，雖然滿街都是單車，不過它們都是「名車有主」，所以要在元朗租單車並不容易。千辛萬苦至係B仔涼粉（佳記甜品）後2條街找到一家單車舖，又估唔到有全新單車租借，踩都踩得開心啲。
出發喇！租完單車之後，首先向新元朗中心（即元朗輕鐵總站側）方向驅進，然後沿着大圍村、黃屋村及山邊村的外圍踩，睇到頭頂上有3條高架橋時，就係見到錦田河嘅時候喇。錦田河畔的南生圍路是踩單車進入水鄉南生圍的最佳路線，河畔一帶清幽恬靜，視野廣闊開揚，看見候鳥時宜在天空翱翔，時宜飛到河上蜻蜓點水，加上迎風送爽，所有煩惱憂慮都一掃而空。在河畔相隔沒多遠就會見到一個圖文並茂的指示牌，上面列出各種在這裏常見的鳥類，例如反咀鷸、大白鷺、小白鷺、鶚魚鷹、黑翅鷸長腳等等，遠眺還可見米埔的候鳥成群結隊地飛翔，猶如在空中玩花式表現。每逢周末，這裏更是遙控飛機和直升機發燒友的聚腳地呢！
經過一些BBQ場和釣魚場之後，終於來到南生圍路的盡頭，一棵棵桉樹和大片蘆葦草盡現眼前，加上旁邊一道清澈的河流，極富詩情畫意。踩到這裏，把單車泊在樹旁最好，然後在樹蔭下流水旁聊天，順道小休一會兒。
意大利的水鄉威尼斯有Gondula做交通工具，我們香港的水鄉南生圍則有街渡，雖然對岸咫尺可見，由上船至落船也不消3分鐘，不過在「特色指數」與「風味指數」方面，它取足100分，所以一定要試一試。但最深深吸引住我的卻是這個小小的碼頭，荒廢已久的屋子和船兒，簡陋的格局與破舊的木板，令這裏變得更純樸簡單，鄉村氣息更濃厚。落船後，南生圍之旅宣告完結。
飛輪單車行
地址︰元朗西裕街金輝徑23號地下（新華銀行後面）
電話︰24775651
費用︰全日$60-$90
交通：乘西鐵到元朗站落車，又或選乘巴士68M、268C、968在大棠路下車
