郭富城：「着衫最緊要睇場合，我通常都係自己襯衫，有時睇天氣同心情去襯。心情好可能都會着沉色嘅衫，今日我着得咁深色，所以特登帶隻sharp啲嘅錶，顯得佢好突出。隻錶本來有皮帶款㗎，但係我就特登揀隻鋼帶嘅，咁亦會搶眼啲！」
小齊刻名戒指
任賢齊：「呢隻戒指係設計師Karen送畀我，我覺得隻戒指好特別，因為係佢為我設計嘅，戒指裏面刻咗我英文名Richie，係獨一無二嘅，好有心思同親切感，覺得佢好有誠意，唔係隨便送份禮物畀人，亦令到我覺得香港嘅設計師唔錯。」
黃宗澤好行軟皮
黃宗澤：「我覺得對鞋最特別，因為真係好舒服，我覺得着皮鞋最緊要買啲貴少少，唔好買太平，因為如果啲皮好硬，會着得好辛苦，好似我呢對就非常好，啲皮真係好軟，我一試就即刻買。」
郭晉安好色爛牛
郭晉安：「冬天我比較鍾意着長身外套，即係類似我身上嘅中褸，容易襯衫，內裏襯T恤或者冷衫都好睇。我平時都以便服為主，除非要去隆重場合先會着西裝，所以牛仔褲同T恤佔咗大部份。
「牛仔褲我通常喺日本買，多啲唔同選擇，但我唔會揀好沉色嘅衫，而會揀清新啲嘅顏色，睇起嚟都精神啲。」
採訪：王連連、胡比、卓寶花
攝影：仇志德
