東亞銀行主席李國寶同太太潘金翠、大仔李民橋同細仔李民斌，早幾日同金山工業集團主席羅仲榮同佢二十五歲嘅寶貝仔羅揚傑，一齊去灣仔福臨門酒家開飯。當晚落大雨，關仁見李國寶一家飯後離開時都要人幫手擔遮上車，情況有啲狼狽。舊年因醉駕罪成而被判入獄兩個月但緩刑兩年嘅羅揚傑，一見咁嘅天氣即時眉頭皺，𤷪𤷪𤺧𤺧指手畫腳示意司機快啲揸佢架寶馬過嚟。後生仔，畀啲耐性至得㗎，咁躁好易出事㗎！
