有地鐵英雄之稱嘅前政務官季詩傑，雖然離開政府已八個月，但佢嘅名聲同背景令多個政黨對佢都好有興趣，除咗有傳民建聯有同佢接觸過之外，最近八方喺沙田見到前綫嘅蔡耀昌同佢喺一間餐廳裏面密斟，事後八方問番蔡耀昌係咪想搵季英雄入黨，甚至由佢代表前綫喺沙田出選區議會，蔡耀昌就好謹慎咁答話只係大家交個朋友，無具體嘢講過。
八方梗係唔罷休啦，繼續向四方八面收料，終於知道嗰晚佢哋同枱仲有季英雄嘅律師朋友在場，介紹佢畀前綫等到地區事務有需要時，可以畀啲義務法律意見。季英雄仲係實習期間，未正式成為大律師，前綫的確有興趣拉攏佢，但對佢始終認識唔深，先摸吓底了解佢嘅政治理念，大家係咪同路人，至有得斟。今次彼此算係有個好嘅交往，做朋友一定唔難。
傳真︰2623-9278
電郵︰[email protected]