陳日君主教獲升為樞機，香港慈幼會最高興，因為陳日君喺慈幼讀過書，又喺嗰度服務過。八方聽聞，立法會中慈幼仔鄭家富準備三月二十二日隨教區大隊出發去觀禮，而馬丁亦打算同一班友好一齊去。
阿富話，「冇慈幼神父，我就冇今日。」可見慈幼對佢影響幾大，而阿富位恩師陳興翼神父就係當年同陳日君一齊由上海來港嘅三位神父之一，阿富由領洗到結婚都由佢包辦。
阿富今次去梵蒂岡有三個原因，第一，因為係慈幼會光榮；第二，佢未去過梵蒂岡，希望有機會見到教宗；而第三，就係可以敍舊。
當然最重要係時間啱啱好，佢二十二日開完立法會出發，二十八號返港，兩次立會大會都冇影響，真係何樂而不為。
至於馬丁，就希望趁今次機會，可以見到教宗本篤十六世。原來按傳統，教宗會接見新任樞機以及佢嘅朋友，所以馬丁話，「所有香港去嘅都有機會見教宗。」真係機不可失。
傳真︰2623-9278
電郵︰[email protected]