歌手Mandy
嚟緊好想買60Gb的白色ipod，因為容量一定要夠大，先可以放電影入去睇，咁出街就可以隨時隨身睇。重有嚟緊轉天氣，一定積埋好多死皮，所以想買Laneige隻士多啤梨磨砂Gel，又香又Work，加上我本身勁鍾意士多啤梨，一定係MustBuyItem﹗
藝人宋芝齡
就嚟又轉季，咁梗係要開始掃春裝。聽個Sales講，今季會興一啲講求層次感的披搭款式，鞋就會繼續興Boot款，所以夏季薄身Boot又係另一必掃Item。我好少集中兩三間咁掃貨，一季入面同牌子嘅嘢，通常都係得兩三件正貨，一定要四周搜括先得。
有線主持Anmen
我嚟緊好想買一隻中國警犬，因為早排睇電視，睇見呢隻黑麻麻類似鬆獅嘅警犬十分兇殘，但亦十分忠心。呢隻品種喺香港好難搵，我知道黃貫中有一隻，所以下個目標就係買一隻中國警犬。
化妝師Meegan
下星期我會到上海，因為上海會舉辦一個冰上滙演，我會在工作之餘，順便欣賞一下溜冰表演。剛剛冬季奧運會結束，睇見溜冰運動員優美嘅舞姿都已經讚不絕口，今次仲可以親身感受一下，好興奮！
