徐子淇前晚在中環為寶馬BMW1系新車擔任主禮嘉賓，穿上D&G黑色裙配Joyce珍珠鏈的她華麗大方，但性感欠奉。
堅拒車震
自認是快車手的徐子淇說：「我一上車就踩油，可以十秒內去到一百咪，冇乜人敢坐我車，一定係肯犧牲又大膽嘅先得囉，我男友（李家誠）就係，我成日偷佢車揸，仲會載佢出入，淺水灣嘅彎位我熟晒，闔埋眼都識揸。」
淺水灣出名多偷情位，問徐子淇可知地點？她說：「我唔會用車偷情，一定唔會發生車震事件！」她又謂男友愛車如老婆，自己只是對方情人，她說：「呢啲老婆多幾個都冇所謂，女友就唔好喇！」
此外，榮雪梅小產後復出社交圈social，前晚穿VivienneTam露肩裝的她謂身體已復原，她說：「都OK，冇乜點進補，再追都唔心急，生仔都係要隨緣問天。」
採訪：DebbieLum
攝影：DickyChan
