電影《犀照》上映兩周票房報捷，收七百三十多萬元，昨日驕陽電影總裁徐小明在尖沙嘴美麗華酒店設宴，慰勞一班演員包括馮德倫、鍾欣桐及黃浩然等。
有報道指香港山頂的杜莎夫人蠟像館將會擴充並加入由香港藝人組成的九星連珠，當中包括Twins，Twins成員鍾欣桐（阿嬌）則表示並不知情，她說：「都好呀！唔係做恐怖蠟像就得，做演唱會造型都唔錯，唔好好似平時咁，最好係要戴假髮嗰種。」阿嬌認為做蠟像最緊要是注意她右邊面上的一粒癦，她說：「呢粒係是非癦。」
懶理鬧雙胞
馮德倫即將籌備重拍《英雄本色》，對於最近有外國片商亦打算開拍《英雄本色》，極有可能會鬧雙胞，他說：「我係買咗《英雄本色》六九年龍剛導演版本，係全球版，今次係同寰亞合作，關於版權問題由佢哋解決，我只係拍好我嘅戲。」
採訪、攝影：楊潔雯