空氣污染已經係港人唔可以逃避嘅問題，政府喺減低廢氣排放嘅環保工作又好似未見成效，淨係得啲環保團體自己喺度空着急。由本港一班專業工程師組成嘅電機工程師學會香港分會，將會喺今個月底喺理工大學搞一個「法拉第講座」，希望同政府、兩間電力公司同市民一齊探討空氣污染問題，同心協力保青天咁話。
個講座以電學及電磁學之父米高．法拉第命名，就係想大家諗吓，究竟現今科技能否救到已經病咗嘅地球？電機工程師學會班會員同八方講，講座會以富娛樂性嘅自由互動形式表達，佢哋最希望多啲年輕人參與呢次公開講座，話晒年輕一代先係未來嘅主人翁。
分為三節嘅講座預備咗三千張飛，𠵱家已經派出成二千張，有興趣可致電25212145查詢活動詳情。
傳真︰2623-9278
電郵︰[email protected]