前晚氣溫只有攝氏十度，鄭希怡錄影《勁歌》時不怕嚴寒，身穿一條露肩onepiece短裙，可是性感不足，敗事有餘，恍如穿上浴裙。Yumiko表示此裙原是一條半截裙，她說：「我將條半截裙拉長啲，少啲性感。」問她不覺得寒冷嗎？Yumiko說：「好彩喺廠入面錄，唔怕凍。」
唱金培達新作
Yumiko昨日則到港台接受訪問，宣傳新歌《當玫瑰遇上真愛》，此歌由剛在柏林影展得獎的金培達作曲，她笑說：「佢仲爭我一首歌，希望佢唔好加價啦。上次我喺錄音室見到佢，即刻攬住佢恭喜，我仲見到個獎，好得意呀。」Yumiko表示不怕外間集中在金培達身上而忽略自己，她說：「唔會嘅，呢首係慢歌，我會每隻字每粒音都唱好啲。」
採訪：馬建華、王連連