香港管弦樂團前晚響文化中心舉行《梁祝》小提琴演奏，吸引咗一班知音人捧場，信興主席蒙民偉、謝寧、好耐冇見嘅霍震霆，一見到中國小提琴家呂思清，就人人爭住影相，成個小fans咁。
霍震霆話自己前幾日先響意大利返香港，霍公子喺情人節生日（即係二月十四日），八方問佢呢個雙重好日子點慶祝？佢話：「因為參加冬季奧運會，我響雪山同個仔（霍啟剛）一齊過，佢都有送少少禮物畀我，幾孝順，幾難得！」
八方見霍公子喺現場猛食蝦餃、牛肉燒賣同蛋撻，以為佢好肚餓，原來霍震霆喺意大利食足兩個星期意大利粉，食到怕怕，所以返香港食餐勁，仲話呢個三月會戒食意大利菜。
傳真︰2623-9278
電郵︰[email protected]