國際時裝品牌集團GRI昨日於中環舉行時裝滙演，廖碧兒、官恩娜及AnaR.等擔任模特兒示範春夏新裝。林熙蕾則以嘉賓身份出席，並穿上由大會提供的藍白低胸花裙。
唔會尷尬
時裝表演期間，廖碧兒穿上與林熙蕾同一款式的花裙，林熙蕾即面露尷尬神色，事後她說：「唔知會咁，都唔會尷尬，佢哋着啲衫出嚟都係為咗做騷啫！」
至於跟林熙蕾撞衫的廖碧兒，明顯將花裙胸位拉高，看上去比林熙蕾密實，廖碧兒說：「點樣着係大會安排，至於撞衫都唔會尷尬，因為好多嘉賓都係着最新嘅款式嚟捧場，我覺得自己着得比較cute啲，林熙蕾就着得似模特兒。」
大肚疑雲
AnaR.以全場最性感的bratop出場，搶盡風頭，連廖碧兒也讚她身材弗到漏，但AnaR.的小肚腩微微隆起，引起大肚疑雲，AnaR.即說：「可能因為條裙鬆，顯得個肚凸出嚟！」
此外，林熙蕾表示近期忙於拍攝新片《父與子》，戲中她飾演郭富城的另一半，更有親熱鏡頭，她說：「初時拍親熱戲都有啲尷尬，但係郭富城好有風度，至於性感極限，要裸露都可以，但係要睇部戲而考慮。」
採訪：張俊銘 攝影：陳俊強
