陳小春、李彩華（Rain）、元華、彭敬慈和阮民安（Tommy）等一眾電影《打雀英雄傳》的演員，前晚在灣仔王子酒店出席煞科宴。
日前有指內地立例嫖客被捕後除了罰款外，更會通知其家人或妻子，相信一般女性，特別是身為人太太的女士一定會對此法例大表支持。不過小春卻力撐嫖客，他說：「立咗法未㗎，好似玩咁嘅？其實個嫖客俾人拉咗已經受到制裁啦，仲要叫埋人哋老婆，使唔使叫埋啲仔女呀，係唔係要人哋兩公婆當面嗌大交呀？」
阿Rain被罰酒
而於煞科宴上，阿Rain、小春和元華被抽中玩估食糊麻雀遊戲，最後由元華勝出，輸了的小春及阿Rain被罰飲酒，不過阿Rain表示自己吃了藥只肯呷一口。
至第二個遊戲時，阿Rain被安排與小春一組大玩運湯圓遊戲，二人再次落敗，結果勝出的彭敬慈及Tommy可以蒙着二人雙眼及餵他們吃蛋糕，怎料阿Rain先發制人將蛋糕抹到Tommy身上，Tommy即時大叫：「你小心啲呀，我件衫係BathingApe好貴㗎。」最後更演變成一場蛋糕大戰，場面十分混亂。
採訪：何永寧
攝影：陳俊強
