有無試過，對自己部手機對到悶，但又唔想或無錢換電話，買個殼轉轉顏色頂住新鮮感？呢個方法，𠵱家竟然可以套用喺波鞋身上。呢對新出波Boot十足十模型一樣，鞋殼加鞋釘加鞋墊自己砌，重可以為襯衫配上不同顏色「殼」，而且新色新殼陸續推出，買勻咁多隻色，被阿媽鬧「衰仔，咁鬼多波鞋！」時仲可以理直氣壯反駁一句「一對之嘛！」。不過一Set一對鞋3款殼盛惠3千幾蚊，之後每對鞋殼$690，嘩！你熱愛足球嗎？
記者：馬慶武
攝影：陳智良
Model：Ellen、Wysum（Savlador）
最啱着鴛鴦Boot襯衫
將一隻波Boot分為3份，鞋釘、鞋殼、鞋墊因應場地、喜好自己配搭，可算係破天荒設計。鞋釘分為硬地及軟地兩種，一種係膠釘另一種係銻釘，鞋殼就有黑、白、藍3種色，其中白色更用上透氣材料製，除咗睇心情重可以睇埋天氣先揀色落場，本港同步仲有特別色螢光黃鞋殼，歐美等地更已經有多達10種顏色。至於鞋墊就只得一款，但一套有兩對，即買一套可以砌兩對鞋出嚟，畀錢嗰一刻應該有所安慰。仲有，包裝超有型，筆者借返公司時，個個同事行過都忍唔住望兩眼，成個篋拎住去鬥波，未贏波先興奮，皆因夠虛榮，打開一刻仲可以高呼一聲：「篋~~神~~~！」。
砌鞋3部曲
港隊3小將試鞋射控斬
新波Boot落地，即刻搵專業人士試一試，外國已經有祖雲達斯嘅迪比亞路、利物浦嘅施斯、熱刺嘅迪科爾、車路士嘅洛賓試緊（仲未見佢哋着落場）。香港過幾日先有得賣，𠵱家先搵咗港隊3小將率先試鞋。一副實而不華格局嘅傑志張健峰就話新鞋比起佢對舊波Boot輕好多，跑都跑得快啲；金毛戴晒耳環嘅流浪盧均宜話有得換殼無得頂，襯主客或港隊波衫都得：「易襯衫吖嘛！」。至於南華梁子駿，就話新鞋勝在「包腳」，對控球及斬波都好有幫助。
球員話：好！
手套都換衫！
除波鞋外，龍門手套都可以換套，原來底面中間有拉鏈，可以拆開互換！（各$550）
街坊又點睇？
adidas+F50TUNIT
發售日期：3月8日
售賣點：各adidas指定門市發售
查詢：adidas專門店（27306685）
尖沙嘴海港城港威中心2202舖
