adidas呢個換殼新動作，先用喺落場波Boot身上，對象明顯係熱愛足球運動人。而對手Nike其實係呢方面先驅，早幾年就推出咗NikeiD自選波鞋，可以自選嘅唔係波Boot而係行街波鞋，唔只可以自己揀色，重可以自己喺網上設計，配搭唔同顏色，撞到九彩，再印埋自己個名上去都會幫你生產，不過揀定咗就無得隨時換！
鞋款包括歷年多款AirMaxClassic跑鞋系列、NikeFree、Lance10/2，設計好之後，網上預覽啱晒心水就可以畀錢預訂，再等4至6個星期，新鞋就會到手，價錢同正價差唔多，但色彩配搭卻可能獨一無二。係咪正先？不過，呢個服務香港暫時未有……唔好鬧住！你有朋友住喺美國咪得囉！