電影《天生一對》前晚在銅鑼灣為香港乳癌基金會舉行慈善優先場，出席者有女主角楊千嬅及導演羅永昌，嘉賓有趙雅芝黃錦燊夫婦、以及方逸華等，最意外是千嬅就讀的護士學校校長亦有到場，她興奮得上前擁抱校長。
堅決做歌手
對校長來看戲，千嬅感到特別緊張，記者問校長千嬅讀書時成績如何時，千嬅即搶着說：「你當我流㗎，我考一次試就畢到業。」校長笑道：「當年千嬅的確考一次試就過關，點知佢要參加歌唱比賽要辭職，我曾經同佢講，讀得咁辛苦先畢業，係咪諗清諗楚，佢最終決定離開。」千嬅補充說：「當時校長仲話如果以後我唔唱歌就叫我返去做，瑪嘉烈大門隨時為我而開，嗰一刻真係好感動。」
採訪、攝影：魯萍