黎耀祥早前到廣州，為他擔任代言人的紅蜻蜓服裝拍廣告，雖然僅工作一天，但他共換了二十多套衣服上陣，廣告商更安排一名來自哈爾濱的漂亮高妹與他拍檔，二人又攬腰又搭膊，幸祥仔同行太太未有因此呷醋。
未怕呷醋
祥仔日前在電話中說：「我就冇乜點尷尬，其實我就唔係好想老婆喺度，因為佢喺身邊睇住我做嘢，會驚佢悶，雖然實情係佢照顧我，但我喺心理上覺得要照顧佢。佢唔介意我同女拍檔親熱，佢好明白，亦好支持我做呢行。」
祥仔表示拍攝廣告期間，要全程保持笑容，所以收工後，臉部有點僵硬，他說：「拍廣告幾鬼攰，我老婆仲話我影咗幾百張相，笑咗幾百次都係同一個笑容。」
採訪、攝影：娛樂突發組