黎姿昨日在柴灣拍攝時裝廣告，攬熊公仔躺在床上、倚坐梳化輕托香腮，充滿少女情懷。談到感情事，黎姿表示不需要狂蜂浪蝶，只一心等候Mr.Right，雖然相信姻緣由天注定，但已等到有點心淡。
黎姿昨日為本地時裝品牌Moiselle拍攝廣告，一日內換三十套新裝。Moiselle老闆娘陳太親自到場為黎姿做styling，又安排星級化妝師RickChin化妝，足見黎姿備受重視。黎姿十二時前已到達位於柴灣的影樓，還出動十多對名牌私伙鞋，包括ChristianLouboutin、SergioRossi和Alaia等。
樂天知命
Moiselle今季以大熱的白、米白、淺銀灰等為主打，充滿懷舊少女味道。質料以浪漫飄逸的喱士、雪紡等配修身剪裁，塑造一片純美簡潔氣氛。黎姿穿上釘珠雪紡裙，一時抱熊公仔，一時慵懶倚床，散發濃濃少女華麗味道。
黎姿透露第三次為品牌拍攝廣告，問她入行十多年，如何保持純真少女情懷？她說：「心境開朗最重要，我好容易開心，可能自己想法同思想比較樂觀啦，你睇我外表少女，我內心仲少女呀！」
談到保養外表時，黎姿說：「我每日幾忙都做一兩個鐘頭gym，出一身汗，令到個人relax啲，幾時都有活力，仲有食多啲生果同飲多啲清水，滋潤全身。」
問黎姿可有愛情滋潤？她說：「冇呀，我𠵱家都有少少心淡，呢啲係上天安排，冇得急、冇得強求。我唔需要狂蜂浪蝶追住，只想要一個Mr.Right。」
採訪：JessicaNgan
攝影：RickyIp
