蔡依林將會喺下月二十二號喺洛杉磯加州大學分校開演唱會，屆時仲會邀請緋聞男友、小豬羅志祥（後）做嘉賓。主辦機構為咗促銷門票，就「撮合」呢對緋聞情侶拍檔搵錢，事關頭兩百名買蔡依林演唱會飛嘅歌迷，仲可以參加「小豬美西歌友會」，等fans可以近距離接觸偶像。據知蔡依林開騷酬金有大約港幣六十四萬，都幾好搵。