李嘉欣舊年介入龐維仁同黃美儀嘅婚姻，結果兩公婆分居收場，李嘉欣同龐維仁亦分咗手，三敗俱傷。
掃化妝品
不過，馮仁昭知道黃美儀一直好想挽救呢段婚姻，所以好努力咁行奶奶政策，不時陪龐老太盧淑燕出席公開活動，又陪佢老人家行街買嘢，就算做阿四都唔介意，好似上年九月，就俾本報影到黃美儀又陪龐老太去咗太古廣場shopping，之後仲親自幫奶奶挽新鞋，認真細心。
前晚七點幾，馮仁昭又見到黃美儀陪龐老太行中環ifc，仲喺Clinique專門店揀化妝品。兩婆媳好有耐性咁聽化妝小姐講解，之後就買咗一大堆戰利品返屋企，由黃美儀找數。掃完貨之後，龐老太只係拎住個手袋仔就走，黃美儀就幫龐老太拎住一袋二袋出門口，全程好似做阿四咁。
現場所見，黃美儀同龐老太沿途有傾有講，龐老太仲笑容滿面咁同黃美儀坐寶馬離開，睇嚟黃美儀呢招奶奶政策確係使得！
