周慧敏日前宣布五月將會喺紅館開演唱會，為非牟利動物診所籌款。噚日周慧敏接受商台電話訪問時，仲話會將歌酬捐出嚟，問佢有冇過百萬？周慧敏話：「都要喇！」好多人都想睇多次佢嗰套迫爆宮廷裝，不過周慧敏話應該唔會着。佢仲講笑咁話連愛貓周慧豹都唔多願聽佢唱歌：「可能音頻唔同，佢聽到就好憎，激動到要搞我個嘴，又煩住我㗎！」