陳苑淇早前趁母親到泰國公幹，抽空到當地旅行四日，她說：「嗰度好熱，真係頂唔順，即刻買咗件吊帶背心着。」
講到玩，陳苑淇曾到當地一間以大床為主題的酒吧玩樂，不少情侶在床上親熱，令她大感尷尬，驚歎當地人思想開放。她又自爆多次被誤為泰妹，有人以泰文和她交談。
擊退色狼
問到有否艷遇？陳苑淇笑說：「有俾外國人撩囉，感覺唔係幾好受，見我哋走，又想跟住我，最後咪用決絕嘅眼神反擊。」
泰國之旅亦有烏龍事發生，當陳苑淇和母親到一間高級餐廳食飯時，她被窗外夜景吸引，令她撞向超大型玻璃，她說：「撞到個鼻之後有啲好熱嘅嘢流出嚟，初初以為係鼻血，好驚，點知原來係鼻涕，真係瘀到死。」
採訪：駱華齡