紐約人終於作出交易，用新仔阿里沙同埋前魔術王牌夏達威，交換奧蘭多魔術嘅後衞法蘭西斯。但今年冇太多球星交易。所以呢單嘢好多人都好睇重。
紐約人班費全NBA最高，但係始終都打唔起，原因何在？有人話防守做得唔好，有人話馬貝利唔聽話，有人話總裁湯馬士換回來的球員冇用；但我個人認為，現今NBA要打得好，首要內線要夠強。環顧近年各支打入季後賽球隊（已經唔講總冠軍，如馬刺的鄧肯、前湖人的奧尼爾、活塞雙華萊士），幾乎全都擁有固定的內線進攻力或防守、籃板封阻強，不讓對手輕易進入城池。
但反觀紐約人，早年只有甘比、卻迪湯馬士苦苦支撐，之後的麥戴斯，艾迪居里以至新仔費爾都未能做好內線防守。「老矮」如馬歷路斯和泰萊都要上陣，可見紐約人內線之弱。如果湯馬士仍未吸取教訓，換一位內線防守力強嘅苦工，睇怕今年訓練營又要提早開班啦！
趙岸池