陳苑淇噚日去新城電台接受訪問，佢話呢排沉迷玩電腦模擬遊戲，最高紀錄一日連續玩咗八個鐘，佢話：「我喺遊戲入面係一個女強人，日日都坐直升機返工，之後仲嫁咗畀個醫生同生咗BB。」陳苑淇話自己對每一種新事物都可以好快投入，不過往往只得三分鐘熱度，仲話：「我覺得將來我會好快結婚又好快離婚，而且好有可能結兩次婚㖭。」