超級女聲周筆暢早前宣布同「超女」嘅製作單位天娛傳媒解約，周爸爸仲要四出籌錢舉債五百萬人民幣（約四百八十萬港元）先幫到個女贖身。日前有內地報道話周筆暢已經搵咗新東家，就係曾經做過劉德華經理人、天中文化嘅副總余秉翰，佢嘅新唱片公司樂林會簽周筆暢做首個藝人，嚟緊重會搞個大型記者會，不過余秉翰對呢單嘢只係話冇回應。