劉德華昨日以香港國際電影節榮譽大使身份，帶領逾百義工出席記者會。華仔抱怨香港部份電影界人士寧願到外地出席頒獎禮，也不支持推廣本地電影，而政府持續削減資助，掣肘卻比其他國家多。
第三十屆香港國際電影節榮譽大使劉德華，昨日帶領逾百名的大專「義工兵團」到文化中心出席電影節誓師大會，提高年輕人參與推動本地電影文化意識。
親找贊助商
在活動上，華仔談及香港舉行的國際電影節因為缺乏資金，以致規模及影響力不及外國的電影節，他說：「我哋搞電影節嘅資金係人哋嘅六分一至十分一，希望政府唔好再削減資助，人哋嘅國家會畀好多錢，掣肘亦唔係咁多。」
華仔除了做推廣工作，又親自聯絡贊助商支持活動，電影節每年需要七百萬至一千萬元的經費，但現時仍未能達標，華仔希望政府多加關注。
華仔又抱怨部份電影界人士寧願到外國出席影展，都不肯出席香港的電影節活動，他說：「人哋嗰啲飛都飛去做，我哋嗰啲搭車都唔嚟。」
外國獎威啲？
問華仔可有找他們幫手？他說：「我唔識搵佢哋，呢啲自動自覺啦！𠵱家好多業界不停參加外國嘅電影節，好多人覺得喺外國攞獎威水啲，其實香港電影節都發展咗三十年，希望大家返嚟攞獎會引以為榮。」
採訪、攝影：張俊銘
