代理行櫥窗通常都會整齊張貼放盤資料，但利嘉閣地產英皇道嘅分行，唔知係咪覺得咁樣太千篇一律，唔夠吸引，所以嚟次大翻轉，將放盤廣告，不規則咁貼喺櫥窗外，似足以前有房出租嘅紅招紙，蘭西建議利記學足啲，加埋一列電話，等人搣。呢啲應該係心理戰術招數，所謂出奇制勝。 淨係太古地鐵站出口呢段英皇道，代理分行閒閒哋都有十幾二十間，競爭相當激烈，代理唔諗計，真係惟有拍烏蠅。