崔智友噚日去台灣出席一個化妝品活動，佢一抵達機場，即引起現場近五十個fans尖叫，崔智友面帶笑容兼好親切咁同fans握手，粉碎佢之前去日本時被當地傳媒指佢耍大牌嘅傳言。韓劇《冬季戀歌》喺全亞洲非常受歡迎，問崔智友會唔會再同該劇拍檔裴勇俊合作？雖然崔智友話唔排除會有呢個機會，但就好希望將兩人嘅美好回憶留番喺《冬》劇入面，言下之意，應該冇可能同俊哥再續前緣嘞。
