工廠樓當炒，貪佢大件夾抵食，中記話偏遠嘅上水、粉嶺都有大手買賣。 上水貿易廣場A座1樓全層，近三萬呎，本地玩具商以千七萬買入，一呎六百蚊有找，業主揸咗年半賺四百四十萬，單位升值三成半，好過炒住宅。 粉嶺軍地北村三百八十號六萬三呎地盤，蓋有三萬呎貨倉，用家一千二百六十萬買入，以貨倉價計四百二蚊呎，以地價計兩舊水一呎，抵玩。