有人話：「只有櫻花才配稱傾城之艷。」視覺享受遠不及吃進肚子實際，「雪」主廚李金恩說：「喺日本，飽肚蕎麥麵早已攻陷大眾飯堂，踏入3月為賞花應節，日本人先會去市場買櫻花乾麵條自行炮製櫻花麵。」櫻花冷麵矜貴在供應時間，因為每次都要空運預訂，所以「雪」每年3至5月才會推出，每年亦只賣不過300客；製作工序亦繁複，單預備湯底已極花時間，為保留花香，新鮮櫻花會被鹽覆蓋長時間保存，每次使用前都要浸清水1小時把鹽迹浸走，櫻花葉更要切成長長細條，才能讓葉香一股腦兒的湧入湯底。
主廚還教路：「櫻花麵清淡，進食前切忌食埋晒啲濃味食物，尤其串燒之類。食嗰陣湯底要配鵪鶉蛋、葱絲，再放少少Wasabi，輕輕浸一浸湯即擺入口，咁先體會到櫻花嘅香味。」
雪（25719518）
地址：炮台山蜆殼街6-16號地下A舖
