楊千嬅繼前年在電影《餃子三更2之一》裏與梁家輝有場濕吻纏綿的床上戲後，在新片《天生一對》中更被任賢齊摸胸親吻。小齊前晚在首映禮上自爆拍攝期間有生理反應。
由杜琪峰監製、羅永昌導演，楊千嬅、任賢齊與側田主演的電影《天生一對》，前晚在銅鑼灣時代廣場舉行首映，由於遇上大風雨，活動改在室內進行。
兩位主角在戲中有場親熱戲，小齊更要撫摸千嬅胸部，前晚記者不斷追問兩人拍這場戲的感受，小齊尷尬地說：「呢場激情戲我要由男人嘅鹹濕態度，忽然轉變為醫學態度，拍嗰陣我係好投入，我都係男人，所以話冇生理反應就假嘅！當時我要求自己盡量冷靜，埋位前已經同千嬅溝通好會有乜嘢動作，所以我要好小心拍，唔想俾人以為我亂抽水。」
「似做婦科檢查」
至於首度拍這些場面的千嬅則大方地說：「我冇乜緊張，反而導演阿昌（羅永昌）就緊張到要入廁所嘔！我俾小齊摸胸嗰陣感覺好似做婦科檢查，因為原先已經講好會摸邊個範圍，所以有晒心理準備，當時我只係想快啲拍好佢，如果避避忌忌咁拍，搞到成日NG咪仲煩！」
採訪：何永寧 攝影：陳俊強
