吳彥祖名模女友LisaS.昨日以露腰性感女機師打扮，陪伴美國太空人尤金．塞爾南上校（EugeneCernan）坐直升機，由半島酒店飛往大嶼山，出席香港航空青年團的「飛鷹行動」計劃，行動大使王敏德和太太馬詩慧等到場迎接。
旅費逾百萬
LisaS.透露覺得做飛機師奇妙又有型，但無意學揸飛機，她說：「我經常出國，坐太多飛機啦，反而我知道○八年有spacetour可以上太空，不過要百幾萬港元，我都希望去，不過要儲吓錢，可能留番做五十歲生日禮物。」
而愛揸小型飛機的王敏德，假日會做義工帶小朋友飛天，馬詩慧說：「佢之前考牌投資咗六位數字同好多時間，𠵱家做善事都好，我坐過三、四次，佢揸飛機好過揸車，因為佢揸車冇耐性，成日爬頭好危險。」
採訪：梁錦雯 攝影：仇志德
