呢排日日都聽到有雀仔感染H5N1，連我都唔係好敢食活雞，惟有改用急凍雞髀肉整涼拌手撕雞啦！雞肉可以就咁用鹽水浸熟撕成絲，但唔怕麻煩想好食啲，可以先用鹽同花椒搽滿雞身，放入冰箱雪兩日，第二日攞出嚟風乾，洗乾淨雞表面嘅鹽同花椒，抹乾雞身之後用大火蒸熟，咁雞就會更加入味啦！最後撈埋海蜇、紅蘿蔔、芝麻、麻油、醬油食，夠晒開胃，我一家大人都好鍾意㗎！
