花𡃁Can：i'mlovin'it

花𡃁Can：i'mlovin'it

男人最怕係冇錢，但有錢都未必搞得掂嘅頭號大敵就要數──M字額。不過，時移世易，M字額封面不但沒有令側田人氣下滑，反而立時掀起M額風暴，有的女生更初露心聲愛死M字額，連蘇民峰都捧M額男聰明絕頂。M字額究竟有幾好？總之好到你唔信！

記者：許維雅
攝影：陳盛臣
Model：PC@Salvador
鳴謝：HairbyZanki@LOBBY

城中名M

■側田具創作才華，即使M字額曝光都無損人氣。

■城中鑽石王老五李澤楷有腦又有錢，係唔少女孩子嘅目標。

■林海峰係出名食腦人士，而佢嘅《是但噏發花癲》DVD更賣到滿堂紅。

■阿葛嘅M額晨早已有，不過佢剷個skinhead就唔多覺。

「暴走族」潮髮M男

雖然M額代表冇乜頭髮，但其實日本至潮「暴走族」髮型就一定要M字額先好睇，好多日本人更特意將額頭兩邊剃光營造效果，所以M字額男士絕對有先天性條件set此髮型。

Step

1.先將兩邊頭髮剪短至貼服。髮尾長短隨意，最好中間較兩側長。

2.頂部頭髮電微曲，把額前頭髮弄高，微微向前傾，用噴髮膠定型。

Side

ZankiTips：兩邊額要乾淨

■髮型師Zanki話要令這個髮型更好睇，兩邊額必須要剪得乾淨，才可突出額頂頭髮。其實好多男士已經唔介意露額，佢自己有M字額都會帶頭箍啦！

■1月號《POPEYE》亦有「暴走族」髮型，潮爆！

低調唔露額

雖然M字額男生𠵱家十分搶手，但若唔想鋒芒太露，都有一點辦法可供大家參考，而據蘇民峰所講，即使M額被遮都唔會減低運勢㗎！

1.戴帽

潮流興戴帽，除可百分百遮掩M額外，更可表現另一種型格。

■Silas啡色冷帽　$699

Exit（27221751）

■Fingercroxxcap帽　$159

■Silas黑色鴨嘴冷帽　$799

2.剪短唔分界

呢個髮型最重要係剪短時唔好分界，將頂部頭髮及髮陰撥向一邊，另一邊髮陰要剪短剪碎，輕輕遮住額位。

重點

頭髮最好電鬈鬆起，望落飽滿又容易打理。

■周杰倫經常將頭頂及髮尾部份向前撥，以遮掩M額。

■古巨基亦將髮陰電鬆撥向一邊，完全遮蓋額頭。

蘇民峰力撐

據蘇民峰師傅所講，男人M字額有兩個特點：

■蘇民峰自己都有M字額，佢認為M字額嘅人聰明，毋須遮掩。

1.聰明

左右額位主思想，M字額人喜歡動腦筋，分析能力高，所以佢哋在事業上更易有成就！闊M字代表生於有錢家庭，窄M代表白手興家，但如懂得用腦致富，最後都能由窄M變闊M。

2.識冧女

屋企一定會有好多四仔碟，配合天生聰明，𠱁到女仔暈得一陣陣。但女仔揀M額男友時都要留意，疤痕唔緊要，最緊要氣色好，紅粉緋緋嗰種，如果烏卒卒，幾聰明冇運行都係冇用。

女生愛M

咪以為女仔個個唔愛M額男人，原來潮流來個大轉移，好多女生都係唔M唔愛，因為M額夠穩重踏實，有才華又有財力，唔似旺角花𡃁can欠缺安全感。

■Yan（左）Cat（右）
「男人係咪M字額一點都唔重要，欣賞一個男人係欣賞佢嘅才華。」

■Chu
「我對M字額男人情有獨鍾，覺得佢哋夠晒穩重，唔容易變心。」

■Kylier
「我本身依賴性較強，如果有M額男友就可以乜都由佢諗晒，唔使煩！」

■Jessie
「曾經同M額男仔拍拖，覺得佢特別聰明，愛安排一切，肯花心思製造驚喜。」

港男冇有怕

以為港男好怕M額禿頭等，點知佢哋一派煮埋嚟就食嘅態度，答案重幾樂觀正面。

■Geoff
「我自己暫時未有M字額，亦唔擔心，因為男人以事業實力最緊要。」

■William
「即使有冇M字額對我都冇影響，因為我比較喜歡戴帽出街，唔使煩！」