徐子淇與吳卓羲昨日出席在中環IFC舉行的「SonyEricsson2006年首季全新產品預覽會」，徐子淇以吊帶短裙示人，非常搶鏡，二人均獲贈新款手機。
不過徐子淇表示手機愈先進，問題亦愈多，她說：「因為𠵱家啲手機通常都有得影相，有時我喺後台見到好多人攞住部手機，唔知佢哋係咪影緊相，之後都有幾個藝人試過俾人喺更衣室偷影。所以我每次都會要求私人更衣室，唔係大牌問題，只係怕俾人偷影，連自己影嘅相都唔會喺香港曬，會攞去外國曬，因為我有個名人朋友試過俾人攞晒啲相畀報館登。」
徐子淇在這方面十分小心，連電話中朋友的名字亦全是暱稱，問她男友李家誠是否用honey做暱稱，徐子淇笑說：「梗係唔係啦，用honey咪係人都知係佢囉。」
吳卓羲遭電話騷擾
此外，吳卓羲最近收到騷擾電話，亦試過有短訊表示希望與他做朋友，他說：「我都唔知佢係邊個，打嚟又唔出聲，有時仲會喺凌晨時分打嚟，如果再係咁，我可能會轉電話號碼。」有沒有被性騷擾？吳卓羲說：「咁又冇，有嘅我就即刻轉電話號碼啦。」
採訪：胡比
攝影：陳俊強
