聯想收購IBM個人電腦至今九個月，最近趁住贊助冬季奧運會，乘勢在海外首次推出Lenovo品牌電腦──Lenovo3000系列。
新產品率先在2月23日喺美國面世，噚日就輪到香港。聯想香港總經理陳華安（圖左）話，呢個係滙聚中國、日本同美國研發人員、科學家同產品設計隊伍、結合咗聯想嘅企業同消費個人電腦技術、為中小企業度身訂做嘅電腦產品。
咁複雜，即係乜呢？原來呢款機特色係擁有LenovoCare工具，可以協助用戶識別由病毒引發嘅嚴重軟件失誤，並可回復系統運作，自行下載、安裝或更新軟件；又可以有線和無線切換上網。賣幾錢？平嘅3388元起，貴就6988元起；呢個價都有啲競爭力，但要做一哥仲要睇睇先。